Arilena Ara

Arilena Ara (lindur më 17 korrik 1998) e njohur nga emri i saj artistik Arilena është një këngëtare Shqipëtare. Ajo është fituesja e sezonit te dytë e emisionit shqipëtar X Factor. Ajo është një këngëtare shumë e njohur. Arilena Ara është sensacion i ri i muzikës moderne shqiptare. Ky moment i shkëlqyer në karrierën e saj, përgënjeshtron thëniet se të gjithë këngëtarët e dalë nga një "Talent Show", janë të destinuar që shumë shpejt të mbesin në hije. Arilena Ara ka marrë pjesë në shumë festivale për fëmijë në Shkodër. Tirana e lidhi Arilenën me TV Klan ku si fillim u prezantua në "Gjeniu i Vogel" dhe më pas ajo vendosi të konkurronte në X Factor Albania. Kjo ishte dëshira e babait të saj, i cili u nda nga jeta pak muaj para se Arilena të prezantohej në X Factor 2. Arilena fitoi kompeticionin duke i dedikuar fitoren babait të saj. Ajo fitoi dhe një kontratë menaxhimi nga organizatorët e spektaklit X Factor. Duke parë moshën e saj (atëherë vetëm 15 vjeç), menaxhimi i saj vendosi që mos të nxitohej me karrierën e Arilenës.Arilena Ara ka lindur në Shkodër. Ajo si fillim mori pjesë në Gjeniu i Vogël, një emision i talenteve të këndimit dhe zuri vendin e 3. Pas vdekjes së babait, ajo mori pjesë në, sezonin e 2 të X Factor Shqipëtar, i cili u mbajt nga 28 tetor 2012 deri në 31 mars 2013 në TV Klan. Ajo në audicione Tirana performoi një version akustik të Ana Johnsson's "We Are". Ajo ishte e mentoruar nga Altuna Sejdiu në kategorinë e "vajzave". Në finale, ajo këndoi Mary J Blige's "No More Drama" dhe Rihanna's "Man Down" dhe "S&M" si duet me trajneren e saj Tuna për fitore. Në vijim Arilena u angazhua në emisionin "Dance With Me" 2 duke konkurruar me partnerin e saj Labi, një gazetar nga Kosova i njohur nga emisioni "Një kafe me Labin"). Në 26 shtator 2014 ajo lançoi këngën e saj të parë "Aeroplan", me videoklip që arriti mbi 2 milion shikime<ref>https://www.youtube.com/watch?v=MqW_cW_nLmw/ref> në rrjetin social YouTube. Pas këngës "Aeroplan" ajo publikoi këngën "Business Class" që gjithashtu kishte shumë shikime në YouTube si dhe këngën e saj të tretë të quajtur "Vegim" e dedikuar për vdekjen e babait të saj.